瑞芳火車票 - 臺灣

合桃

見到好多人講, 搭臺北-> 瑞芳的火車票要早一日買定至得.... 但我一落機就直接入去了, 又怕飛機 同 搭車落 臺北車站 的時間會有delay 情況, 唔係好敢上網訂定飛....

我想問, 即場票係咪真係冇可能買到 ?

謝謝 "

( 9月30 星期四2 搭 08:35 - 10:15 呢班機到臺北的 )

kamkamkam

區間車實有飛賣 (未必有位坐)

係自強/莒光號呢D編好位既車有時會賣哂

LINUS

視乎你搭咩車種
55分鐘係區間車
如果係自強號35分鐘就到
另其實自強號既企位票
你見到有位可以坐住先
如果見到有人拎住對號票行埋黎你就要即刻俾返個位人

Btw
住2晚九份?
你既行程2日都係平溪線? Hi, CHING 你好, 我有睇你個旅遊blog 架 ^.^

打算第一日到臺灣直入九份
咁放得行李, 都應該2-3pm 走唔甩, then 去金瓜石果邊, 黃金瀑布 / 黃金博物館 (有時間就行曬兩度, 因我睇地圖兩個地方一個响北,一個响南, 好似好遠咁, 網上資料又話博物館16:00停止售票) 跟住都係諗緊過唔過基隆夜市, 如果唔過就响九份老街食DINER, THEN 返民宿

第二日
打算過菁桐 平溪 十分, 打算ARROUND 7:00- 7:30PM 至响 十分 放天燈, 夜晚靚D 嘛,跟住就睇下第一日有冇過去基隆夜市LOR , 如果冇就今晚過, 如果第一日過咗, 今晚就留响九份老街

第三日
落返臺北車站




呢個行程可以嗎? 我諗緊第二日係咪唔駛太早起程 ? 果度玩唔玩到咁耐 (玩到7點幾至放天燈) , 我未去過, 唔知D 時間點因好 , 或者有咩可以加落去 ? 見有其他CHING 話夠時間去埋深坑, 果度遠嗎? 有冇車搭過去架 ?

建議一下.... 謝謝

合桃

咦....
你唔講我都唔記得有個一樣名既睇過我個Blog添....
原來係你....
多謝捧場先" ^^

黃金瀑布同黃金博物館唔算遠
半個鐘腳程左右
視乎你當日行程行成點, 到時執生囉
留意九份老街既店舖7點左右已經收得7788
得返幾間舖仔同7仔開
(果間阿婆芋圓就開到9點幾既, 我試過夜晚9點上去九份食)
所以晚飯你要考慮下

菁桐 + 平溪 + 十分Hea唔到一整日
菁桐係有客運去深坑
我未試過咁去, 但之前有版友講過車程要半個鐘至差唔多成個鐘
所以要加行程既不如唔好去深坑
可以去侯硐影下貓貓
瑞芳下一個站就係侯硐咯"
(我記得你個Blog張相好似係貓貓黎?)

合桃

我24/8去完, 冇記錯, 我地搭區間車, 差唔多站站停, 都係40分鐘左右(臺北車站至瑞芳). 而且你個時間應有位座, 就算上車時冇, 過兩個站應該有, 同埋你行去d車頭車尾位應該易d有位.如果驚買唔到車票, 你最好準備悠遊咭, 嘟左先再去瑞芳補票, 不過呢個係我即日來回0既方法, 因為要返臺北車站後消返一次悠遊咭再補票.你住兩日唔知個係唔係一樣.